kenduli
portal

ಭಾರತದ ವಿರುದ್ಧ ಕತ್ತಿಮಸಿಯುತ್ತಲೇ ಇದೆ ಚೀನಾ… ದೇಶದ ಕಡಲ ಮೇಲೆ ಕಣ್ಣಿಟ್ಟಿದೆ ಡ್ರ್ಯಾಗನ್​

28

ಬೀಜಿಂಗ್​: ಭಾರತದ ಕಡಲತೀರದ ಮೇಲೆ ಸದಾ ಕಾಲ ನಿಗಾ ಇರಿಸಲು ಚೀನಾ ಆಧುನಿಕ ಕಡಲತೀರದ ರೆಡಾರ್​ ಅನ್ನು ಅಭಿವೃದ್ಧಿಪಡಿಸಿದೆ ಎಂದು ಅಲ್ಲಿನ ಮಾಧ್ಯಮ ವರದಿ ಮಾಡಿದೆ.

ಈ ರೆಡಾರ್​ ಚೀನಾದ ನೌಕಾದಳಕ್ಕೆ ಸಾಕಷ್ಟು ಸಹಕಾರ ನೀಡಲಿದ್ದು, ಕಡಲತೀರವನ್ನು ಸದಾ ಕಣ್ಗಾವಲಿನಲ್ಲಿ ಇರಿಸಲಿದೆ. ಇದರಿಂದ ಶತ್ರುರಾಷ್ಟ್ರದ ಹಡಗು, ವಿಮಾನ ಹಾಗೂ ಕ್ಷಿಪಣಿಗಳು ಬಹುಬೇಗ ಪತ್ತೆಯಾಗಲಿವೆ. ಈಗಿರುವ ತಂತ್ರಜ್ಞಾನಕ್ಕಿಂತಲೂ ಇದು ಸುಧಾರಿತ ತಂತ್ರಜ್ಞಾನ ಎಂದು ಹಾಂಕಾಂಗ್​ ಮೂಲದ ಸೌತ್​ ಚೀನಾ ಮಾರ್ನಿಂಗ್​ ಪೋಸ್ಟ್​ ವರದಿ ಮಾಡಿದೆ. ಚೀನಾದ ಓವರ್​ ದಿ ಹಾರಿಜನ್​ (OTH) ರೆಡಾರ್​ ಪ್ರೋಗ್ರಾಂನಡಿ ಇಂತಹದೊಂದು ಸಂಶೋಧನೆ ಮಾಡಲಾಗಿದ್ದು, ಮಿಲಿಟರಿ ವಿಜ್ಞಾನಿ ಲಿಯು ಯೊಂಗ್ಟಾನ್ ಆವಿಷ್ಕರಿಸಿದ್ದಾರೆ.

ಲಿಯು ತಿಳಿಸಿದಂತೆ, ಈ ರೆಡಾರ್​ ಹೆಚ್ಚು ವಿಸ್ತಾರವಾಗಿ ಕಣ್ಗಾವಲು ಇರಿಸಲಿದೆ. ಇಡೀ ಪ್ರದೇಶದ ಸುತ್ತ ಇದು ನಿಗಾ ಇಡಲಿದೆ. ಲಿಯು ತಂಡದ ಸದಸ್ಯರೊಬ್ಬರು ತಿಳಿಸಿರುವಂತೆ, ಸೂಕ್ಷ್ಮ ಪ್ರದೇಶಗಳ ಬಗ್ಗೆ ಹೆಚ್ಚಿನ ಮಾಹಿತಿಯನ್ನು ಈ ರೆಡಾರ್​ ನೌಕಾದಳಕ್ಕೆ ನೀಡಲಿದೆ. ದಕ್ಷಿಣ ಚೀನಾ ಸಾಗರ, ಭಾರತದ ಸಾಗರ, ಫೆಸಿಫಿಕ್​ ಸಾಗರದ ಮೇಲೂ ನಿಗಾ ಇಡಲಿದೆ ಎಂದು ಹೇಳಿದ್ದಾರೆ.

Comments are closed.